3 May 2024, 22:42 वाजता
गडचिरोलीत जादूटोण्याच्या संशयावरून महिलेसह पुरुषाला जिवंत जाळले
Gadchiroli Jadutona : पुरोगामी महाराष्ट्राला हादरवणारी सर्वात मोठी बातमी... गडचिरोलीमध्ये जादूटोण्याच्या संशयावरुन दोघांना जिवंत जाळण्यात आलंय... यात एका महिलेचा समावेश आहे.. जमानी तेलामी ही महिला आणि देऊ अटलामी या पुरुषाला जिवंत जाळण्यात आलंय. याप्रकरणी 15 जणांना अटक करण्यात आली.. 1 मे रोजी म्हणजे महाराष्ट्र दिनी संध्याकाळी 6 वाजण्याच्या सुमारास ग्रामस्थांनी दोघांना मारहाण केली. यानंतर मरणासन्न अवस्थेतल्या या दोघांना गावाबाहेरच्या नाल्यात नेलं.. दोघांवर पेट्रोल टाकून त्यांना जीवंत जाळण्यात आलं.. धक्कादायक म्हणजे अटक केलेल्यांमध्ये महिलेचा पती आणि मुलाचाही समावेश आहे..
बातमीचा व्हिडीओ पाहा -
3 May 2024, 21:15 वाजता
20 वर्षांनंतर स्वगृही कुटुंबासोबत परतलोय- संजय निरुपम
Sanjay Nirupam in Shivsena : संजय निरुपम यांचा एकनाथ शिंदेंच्या शिवसेनेत प्रवेश.. ठाण्यातील आनंद आश्रम या ठिकाणी मुख्यमंत्री एकनाथ शिंदेंच्या उपस्थितीत संजय निरुपम त्यांचा कार्यकर्त्यांसह शिवसेनेत प्रवेश.. काँग्रेसचा हात सोडून निरुपम शिवसेनेत.. 20 वर्षांनंतर स्वगृही कुटुंबासोबत परतलोय, संजय निरुपम यांची प्रतिक्रिया.
बातमीचा व्हिडीओ पाहा -
3 May 2024, 19:37 वाजता
अपघातात एक कार्यकर्ता किरकोळ जखमी, शरद पवार सुखरूप
Jalgaon Accident : जळगावमध्ये शरद पवारांच्या ताफ्यातील गाड्यांचा अपघात झालाय. चोपड्यातील सभा आटोपून भुसावळकडं जाताना अपघात झालाय. बुऱ्हाणपूर अंकलेश्र्वर महामार्गावरील वाघोदे गावाजवळ हा अपघात झाला. अचानक गतिरोधक आल्यानं पुढील गाडीनं ब्रेक दाबला. त्यानंतर पाठीमागून येणा-या गाड्या एकमेकांवर आदळल्या. या आपघातात शरद पवार सुखरूप आहेत. मात्र, दोन गाड्यांचं मोठं नुकसान झालंय. तर एक कार्यकर्ता किरकोळ जखमी झालाय.
बातमीचा व्हिडीओ पाहा -
3 May 2024, 18:13 वाजता
उत्तर मध्य मुंबईतून तिकीट नाकारल्याने भाजपच्या विद्यमान खासदार पूनम महाजन नाराज
Poonam Mahajan is Upset : उत्तर मध्य मुंबईतून तिकीट नाकारल्याने भाजपच्या विद्यमान खासदार पूनम महाजन अजूनही नाराज आहेत.. आज उज्ज्वल निकम यांनी उमेदवारी अर्ज दाखल केला.. त्यावेळी पूनम महाजन गैरहजर होत्या...त्यामुळे त्यांची नाराजी अद्यापही कायम असल्याचा अंदाज लावण्यात येतोय... तिसऱ्यांदा लोकसभा निवडणूक लढवण्यासाठी पूनम महाजन इच्छुक होत्या...मात्र, त्यांना स्थानिक पदाधिकाऱ्यांचा विरोध होता.
बातमीचा व्हिडीओ पाहा -
3 May 2024, 17:18 वाजता
फडणवीसांची पदाधिकाऱ्यांसोबत बैठक, पदाधिकारी, नगरसेवक प्रचारापासून दूर असल्याची चर्चा
Pune BJP Fadanvis Meeting : पुण्यात उपमुख्यमंत्री देवेंद्र फडणवीसांची पदाधिकाऱ्यांसोबत बैठक.. पुण्यातील भाजप पदाधिकारी आणि माजी नगरसेवकांसोबत बैठक.. काही नगरसेवक तसेच पदाधिकारी प्रचारापासून दूर असल्याची तक्रार होती. पुणे, शिरूरसह बारामतीतील लोकसभेच्या प्रचाराचा आढावा घेणार आहेत. ज्येष्ठ नेते चंद्रकांत पाटील, राज्यसभा खासदार मेधा कुलकर्णी, माजी खासदार संजय काकडे उपस्थित आहेत.
बातमीचा व्हिडीओ पाहा -
3 May 2024, 16:22 वाजता
विजय करंजकरांनी भरला अपक्ष उमेदवारी अर्ज, पत्ता कट झाल्याने ठाकरेंवर नाराज
Nashik Vijay Karanjkar : ठाकरे गटाच्या विजय करंजकरांनी अखेर बंडखोरी केलीये... त्यांनी अपक्ष उमेदवारी अर्ज भरत मविआची डोकेदुखी वाढवलीये...विजय करंजकर नाशिकमधून महाविकास आघाडीक़डून इच्छुक होते...ऐनवेळी पत्ता कट झाल्याने करंजकरांनी व्यक्त केली होती नाराजी...नाशिकमधून महाविकास आघाडीचे राजाभाऊ महायुतीचे हेमंत गोडसे, अपक्ष शांतिगिरी महाराज आणि विजय करंजकर यांनीही अपक्ष उमेदवारी अर्ज भरलाय.
बातमीचा व्हिडीओ पाहा -
3 May 2024, 13:20 वाजता
पांडुरंगाचं दर्शन मिळणार कधी?
Pandharpur : पंढरपूरमध्ये विठ्ठल-रुक्मिणी मंदिराचं जतन आणि संवर्धनाचं काम रखडलंय.. 45 दिवसांची मुदत संपूनही मंदिराचं काम जैसेथेच आहे.. मंदिर समितीसह अध्यक्ष आणि प्रशासनाचं याकडे दुर्लक्ष होतंय..तर ठेकेदाराकडून चालढकलपणा सुरु आहे.. त्यामुळे भाविकांना विठ्ठल रुक्मिणीचं गाभा-यातून दर्शन घेता येत नाहीये.. त्यामुळे भाविकांमध्ये नाराजी आहे.
बातमीचा व्हिडीओ पाहा -
3 May 2024, 13:13 वाजता
उमेदवारी नाकारल्यानं राजेंद्र गावित नाराज
Palghar Rajendra Gavit : उमेदवारी नाकारल्यानं पालघर लोकसभा मतदारसंघात खासदार राजेंद्र गावित नाराज झालेत.. झालेला प्रकार हा निराशा जनक असल्याचं त्यांनी म्हटलंय.. कार्यकर्ते ही नाराज झाल्याचं गावितांनी यावेळी सांगीतलंय. नाराज असलो तरी महायुतीचा घटक म्हणून कार्यकर्ते हेमंत सावरांना मदत करतील असं आश्वासन त्यांनी दिलंय.. मात्र आज उमेदवारी अर्ज भरताना काढण्यात येणा-या रॅलीत हजर राहणार नाही अशी भूमीका गावितांनी घेतलीये.... दरम्यान राजेंद्र गावितांची नाराजी दूर करण्यासाठी भाजपकडून प्रयत्न सुरु आहेत.. राजेंद्र गावित यांचं आता राज्यात पुनर्वसन केले जाणार असल्याचे सार्वजनिक बांधकाम मंत्री रवींद्र चव्हाण यांनी सांगितलंय.
बातमीचा व्हिडीओ पाहा -
3 May 2024, 12:12 वाजता
विठ्ठल सहकारी कारखान्यावरील जप्तीची कारवाई मागे
Abhijeet Patil : श्री विठ्ठल सहकारी साखर कारखान्यावरील जप्तीची कारवाई मागे घेण्यात आलीय.. काल झालेल्या सुनावणीत साखर गोडाऊनला केलेलं सील काढायला एमएससी बँकेनं डीआरटी कोर्टात परवानगी दिलीय.. त्यामुळे अभिजित पाटील यांच्या कारखान्याला क्लीन चीट मिळालीय.. नुकताच अभिजीत पाटील यांनी माढामध्ये रणजितसिंह निंबाळकरांना पाठिंबा दिला होता, त्यानंतर त्यांच्या कारखान्यावरील कारवाई मागे घेण्यात आलीय.. आता 5 मेला दुपारी एक वाजता उपमुख्यमंत्री देवेंद्र फडणवीस कारखान्यात मेळावा घेणार आहेत..
बातमीचा व्हिडीओ पाहा -
3 May 2024, 11:52 वाजता
सुप्रिया सुळे आणि सुनेत्रा पवार यांना नोटीस
Supriya Sule & Sunetra Pawar : बारामतीतील महाविकास आघाडीच्या उमेदवार सुप्रिया सुळे आणि महायुतीच्या उमेदवार सुनेत्रा पवार यांना निवडणूक निर्णय अधिका-यांनी नोटीस बजावलीये.. निवडणुकीच्या दैनंदिन खर्चाबाबत ही नोटीस आहे. सुप्रिया सुळे यांच्याकडून सादर करण्यात आलेला खर्च आणि निवडणूक विभागाच्या निदर्शनात आलेला खर्च यामध्ये तफावत असल्याचं या नोटीसमध्ये म्हटलंय.. त्यावर दोन दिवसांत स्पष्टिकरण देण्यास सांगण्यात आलंय.. समाधानकारक स्पष्टीकरण न मिळाल्यास निवडणूक खर्चामध्ये दिसून येणारी तफावत प्रत्यक्ष खर्चामध्ये समाविष्ट करण्यात येईल असं नोटीसीद्वारे कळवण्यात आलं आहे.
बातमीचा व्हिडीओ पाहा -
